ရွှေတိဂုံစေတီတော်ကြီး၏ အံဖွယ် ၉ ဆူ ရွှေတိဂုံစေတီတော်ကြီး၏ အံဖွယ် ၉ ဆူကို တပြိုင်နက်တည်း ဖူးမြော်ခွင့်ရရှိခြင်းဖြင့် လိုရာဆန္ဒများ တစ်လုံးတစ်ဝတည်း ပြည့်စုံပါသည်။ အံဖွယ် ၉ ဆူကို တစ်ဆူချင်းစီ လိုက်လံဖူးမြော်နိုင်ရန် ပုံတော်များကို တည်နေရာနှင့်တစ်ကွ Shwedagon Media kit မှ ကုသိုလ်ယူ တင်ပေးလိုက်ပါသည်။ အံဖွယ် ၉ ဆူမှာ ၁။ ပတ္တမြားမျက်ရှင် တည်နေရာ - ရွှေတိဂုံစေတီတော် အထက်ပစ္စယံ အရှေ့  ဘက်တည့်တည့်တွင် တည်ရှိသည်။ တနင်္လာထောင့်။ ၂။ ၀ိဇ္ဇာဇော်ဂျီ တည်နေရာ - ရွှေတိဂုံစေတီတော်မြတ်ကြီး၏ စနေထောင့်တည့်တည့်တွင် တည်ရှိပါသည်။ စေတီတော်ကြီး၏ ပတ်လမ်းနံဘေးတွင်ဖြစ်ပါသည်။ ဝိဇ္ဇာဇော်ဂျီဘုရား၏ တနင်္ဂနွေထောင့်သည် ရွှေတိဂုံစေတီတော်ကြီးဖြစ်ပါသည်။ ၃။ ရှင်စောပုဘုရား တည်နေရာ - ချမ်းသာကြီးဘုရား၏ အနောက်မြောက်ဘက်တန်ဆောင်းတွင်တည်ရှိသည်။ ရာဟုထောင့် ၄။ ရှင်မထီးဘုရား တည်နေရာ - နောင်တော်ကြီးစေတီတော်၏ မြောက်ဘက် အာရုံခံ ရှင်မထီးတန်ဆောင်းအတွင်းစံပယ်တော်မူပါသည်။ မြောက်အရပ်သို့ မျက်နှာမူထားပါသည်။ ၅။ ရှင်အဇ္ဇဂေါဏဘုရား တည်နေရာ - နောင်တော်ကြီးစေတီတော်၏ တောင်ဘက် အာရုံခံတန်ဆောင်းအတွင်း စံပယ်တော်မူသည်။ ရှင်အဇ္ဇဂေါဏတန်ဆောင်းသည် တနင်္ဂနွေထောင့်တွင် တည်ရှိပါသည်။ ၆။ ဆံတော်တွင်းရုပ်ပွားတော် တည်နေရာ- ရွှေတိဂုံစေတီတော်မြတ်ကြီး၏ သောကြာဂြိုဟ်ထောင့်၊ မြောက်ဘက်မုခ်ဦးတန်ဆောင်းရှေ့ဖြစ်ပါသည်။ ဆံတော်တွင်းတန်ဆောင်း အတွင်းတွင်စံပယ်ပါသည်။ ၇။ ဘိုးဘိုးအောင်ဂူဘုရား တည်နေရာ - ရွှေတိဂုံစေတီတော် ( တနင်္လာထောင့် ) အရှေ့အရပ် အရှေ့ဘက်မုခ်ဦးတွင်တည်ထားကိုးကွယ်သော ဘုရားဖြစ်ပါသည်။ ထီးတော်ပုံစေတီ အောင်မြေရှေ့တွင် ဘိုးဘိုးအောင်တန်ဆောင်းရှိပြီး ယင်းတွင်တည်ထားပါသည်။ ၈။ ကကုသန္ဓဘုရား ( လက်ပက်လက် ဘုရား ) တည်နေရာ။ ။ရှေ့ဘက်မုခ် အာရုံခံတန်ဆောင်းအတွင်း (တဝဂူ) ၉။ ပြဒါးရှင်ဘုရား တည်နေရာ - အရှေ့ဘက်မုခ်နှင့် အင်္ဂါထောင့်ကြားရှိစေတီတစ်ဆူ၏တောင်ဘက်မုခ်အတွင်း ကိန်းဝပ်စံပယ်တော်မူသော ကြေးဆင်းတုတော်ဖြစ်ပါသည်။

အရေးပေါ် တယ်လီဖုန်းနံပါတ်များ

အရေးပေါ်	199
မီးသတ်စခန်း	191၊ 192
ရဲရုံးချုပ်	280188
ယာဉ်ထိန်းရဲတပ်ဖွဲ့	291285/4
ယာဉ်ထိန်း(စုံစမ်းစစ်ဆေးရေး)	201779
ရန်ကုန်တိုင်းရဲတပ်ဖွဲ့	285214
မင်္ဂလာဒုံလေဆိပ်(စုံစမ်းရန်)	662811
ရန်ကုန်ဘူတာကြီး ရထား (စုံစမ်းရန်)	274827
ကမ်းရိုးတန်းသင်္ဘောဆိပ် (စုံစမ်းရန်)	283122
ပြည်တွင်းရေကြောင်း (ပန်းဆိုးတန်း)	212633
ရန်ကုန်ဆေးရုံကြီး (လမ်းမတော်)	286863/4, 256112
မြန်မာ့အလင်း (ရွှေဂုံတိုင်)	544310, 544313
ကြေးမုံ (ဗိုလ်တထောင်)	299427, 292830
တယ်လီဖုန်း (ပြည်တွင်း)	100
တယ်လီဖုန်း (ပြည်ပ)	657444, 657999, 131
တယ်လီဖုန်း တိုင်ကြားရန်	102
နာရေးကူညီမှုအသင်း	578184, 560333
နာရေးကူညီမှုအသင်း (ရေဝေး)	709277, 639410
ထိန်ပင်သုဿန် (လှိုင်သာယာ)	247777
ရေဝေးသုဿန် (မြောက်ဥက္ကလာ)	701123

ရေငံပိုင် ဦးရှင်ကြီး ဆွမ်းတင်မြောက်ပသနည်း

ရေငံပိုင် ဦးရှင်ကြီး ဆွမ်းတင်မြှောင့် ပသနည်း

အုန်းရည်နှင့်ပင့်ရန်

          ပုရာငွေမို့ သဲရေစို့ ပါတဲ့ ပဲရွေမြို့ အပိုင်၊ အောက်ခရိုင် ကျောက်တိုင်သည်ဘက်၊ ရွေစောင်းညှိ လိုက်တော့၊ ရေကင်းအထိ ပိုင်ပေသော၊ ခရိုင်ကျော်ဇမ်ဗူ၊ ပြိုင်လာသူ တကယ်ရှုံးလောက်အောင်သတင်းဖြာ သည့်၊ ကဇင်းရွာ ယင်းဌာနဆီက၊ မယွင်းမကွာသပ၊ အလွန်မျှော်ကိုးပြီး၊ ကျွန်တော်မျိုးတို့ ရပ်ရွာသို ၊ နတ်ရာဇာ ကိုယ်တော်ကြွခဲ့ပါ့  ၊လို့ သော်တခဏ အမွန်းတင်၍ ကွန်းစင်မြ ကျောင်းဝိဟာရသို့ ၊ အပေါင်းတပည့်များ ခြံရံတသင်းငယ်နှင့်၊ ရေငံမင်း တကျွန်းပိုင်၊ ကွမ်းအဆိုင် ဆွမ်းထိုင်လို့ သုံးပါတော့၊ ဘုန်းရှိတဲ့ နတ်ရာဇာ၊ ကြွလာတော်မူပါ နတ်ဦးရှင် ခင်ဗျား၊၊

ပွဲပြင်ပြီးပင့်ရန်

          စံရာကသိုင်း မြန်မာတိုင်း တလိုင်းသုံးရပ် ဒီရေငံသည့် ရာမညတိုင်း မုတ္တမကျော်လှိုင် မော်လမြိုင် ထားဝယ် ဇင်းမယ် ရေး မြိတ် ရွာနိမိတ်၊ ကုလးဆိပ်မော်တင်၊ ပင်လယ်ကျောက်ဖြူ ဇမဗူမတိမ်၊ ပုသိမ်မြောင်းမြ၊ ဒလတဖန်၊ ရန်ကုန် ပဲခူး မြို့ ရိုးမြို့ တာ ဥက္ကလာပ၊ သာကေတနှင့် မြစ်ဆုံ ကြေညာ ဧရာဝတီ၊ နဒီဖြတ်သန်း၊ ရေကင်းအထိ၊ ကျောက်တိုင်စိုက်ပေသော၊ အောက်ခရိုင်တ၀ိုက် ရေကြောင်းဆိုင်သည့် ရွေကျောင်းပိုင် ကျွန်းညိုလှဆီသို့ ၊ လက်ဆယ်ဖြာ အလှူဆက်ခဲ့ပါ့၊ ထန်းလျက် ကောက်ညှင်၊ သန့် ရှင်းစွာအုန်းငှက်ပျော ကွမ်းယာ လက်ဖက်တို့ နှင့် တင်မြှောက်ရန် ဆက်သ ပါသည်။ မင်္ဂလာရှိသော ကျောင်းဘုံပေါ်သို့  ကြွလှမ်းတော်မူပါ၊ လူတို့ သခင်နတ်ဦးရှင်ခင်ဗျား။

ဆွမ်းကပ်ရန်

          တောင်ဇမ်ဗူဘွေ၊ အောင်မြူချွေသည့် ၊ လေပြေပြောင်ရွန်း နေရောင်ထွန်းဝေသည့်၊ ကျွန်း ဒက္ခိဏ၊ သာယာလှသည့်၊ စိမ်းမြဒီသာ၊ တောင်မျက်နှာငယ်၊ မဟာသမုဒ္ဒရာ၊ ပင်လယ်ဝ၌၊ မိန်းမလှ ခေါ်ဆို၊ မြတ်ကျွန်းညိုတွင်၊ ဗိုလ်လူအပေါင်း၊ ခ၀ပ်ညောင်းရသော ရွေစောင်းတော်သခင်၊ နတ်မျိုးရှင်ဟု၊ အစဉ်ရှေးက၊ ရမညတိုင်း၊ မွန်တလိုင်းတို့ ၊ ညွတ်ကိုင်းပသ၊ ပူဇော်ကြသည်။ တွင်းပဘေးရန်၊ ရန်ခပ်သိမ်းကို၊ အမှန်ကင်းပျောက်၊ စောင့်ရှောက်တတ်စွာ၊ ဘုန်းတေဇာမြင့်၊ အာဏာတန်ခိုး၊ ဒီရေရောက်ရာ၊ မြို့ ရပ်ရွာတွင်၊ မှန်စွာစိုးလျက်၊ ရှေးရိုးအစဉ်၊ သက်သတ်မသုံး၊ မြတ်နှလုံးဖြင့်၊ အောက်ခွင်ခရိုင်၊ မိန်းမလှခေါ်ကျွန်း၊ စံတော်ကွန်းက၊ ကျွန်ညိုရှင်ခင်ဗျာ၊ မွေးပျံ့ကြိုင်သင်း၊ ရသာမြတ် ဖြူစင်လတ်သည့်၊ နတ်ကောက်ညှင်းနှင့်၊ သန့် ရှင်းသေချာ၊ အုန်း ငှက်ပျောတွဲ၊ ကန်တော့ပွဲနှင့်၊ နွဲဆင်ခါဖြင့်၊ ဖြူးကာပေါက်ပေါက်၊ လက်ဖက်ရွေဖီ၊ ဆားမသီ ဆီမနှောပဲ၊ မောက်မောက်စုပုံ၊ ရွက်မြညှာ ကွမ်းနုဝါ ယာတော်အစုံဖြင့်၊ မွေးတုံ ပျံ့ သင်း၊ ဒေါနသဇင်၊ ပန်းတော်ဝင်တို့ ၊ စီရင်ခင်းလျှက်၊ လျှံဝင်းဆီမီး၊ ထိန်ထိန်ညီးလို့ ၊ ကျောင်းကြီးဝိဟာ၊ နိမ့်မြင့်မယွင်း၊ ပွဲစုံကျင်း၍၊ သန့် ရှင်းစွာဖြင့်၊ ဆွမ်းဒကာ (………..) သားသမီး၊ အိမ်သားစုတို့ က၊ တင်မြောက်၍ ပသပါသည်၊ ကျွန်းညို  မြတ် အတိတ်တောဝနေက၊ တပြည့်အပေါင်း အခြံအရံ ၊တစုတို့ နှင့်၊ စောင်းရတနာ မကွာလက်တော်ဆွဲပြီး၊ ကြွလှမ်းကာ တင်ဆွမ်း ယမကာကို ရွင်လန်းစွာ ဘုန်းပေးသုံးဆောင်တော်မူပါ့ ကျွန်းညိုသခင် နတ်ဦးရှင်ခင်ဗျား၊၊

ဆုတောင်း

          ပင်လယ်သီခေါင်၊ ကျွန်းညိုဘောင်တွင်၊ ဂုဏ်ရောင်လျှံငြီး၊ မပြတ်အစဉ်၊ ဒြပ်ရွင်ပေးသည့်၊ ကျွန်းညို အရှင် ခင်ဗျာ ။ တင်မြှောက်ပသ၊ ဆွမ်းမြတ်ဘောဇဉ်၊ နတ်ကွန်းစင်ကို၊ ပြုပြင်၍၊ ပသပါသည်။ ဘယ်အန္တရာယ် နတ်တန်ခိုးဖြင့်၊ ဘေးမျိုးကိုပယ်၊ ရေ၀ယ်ကြာသို့ လန်းပါစေ၊၊ မကောင်းအိပ်မက်၊ မကောင်းငှက်နှင့်၊ ဖုတ်ပြိတ်တစ္ဆေ၊ ကျား မြွေ မိကျောင်း၊ မကောင်းဥပါဒါန် နှုတ်တိုက်ရန်ဘေး၊ ထိုထိုဓလေ့ကို၊ ကင်းဝေးစေဖွယ်၊ ဘုရားဂုဏ်ပေါင်း၊ အရှင့်ဗျက်စောင်းနှင့်၊ မကောင်းသမျှဖယ်၊ လနှယ်ရေလိုအေးပါစေ၊ ခြောက်ပါးကိုးဆယ်၊ အန္တရာယ်ကို၊ သိကြားလက်နက်၊ နတ်တို့ စက်ဖြင့်၊ ပစ်ခါချသကဲ့သို့ ၊ တွင်းပပေါ့စွာ၊ ပယောဂါလည်း၊ ကင်းရှင်းကွာလိမ့်၊ ကိုယ်စိတ်ချမ်းသာ ပါစေသော် ၊၊

          ရွေငွေပေါစွာ၊ လာဘ်မိုးရွာလျက်၊ မျက်နှာ်မြင်က၊ ချစ်ခင်ပါစေ၊ နှုတ်မြွက်စကား၊ အသံကြားက သနားပါစေ၊၊ မေတ္တာဝေ၍ ရောင်းပန်းဝယ်ပန်း ပွင့်လန်းဝေဖြာအောင်စောင်မ ကြည့်ရှုတော်မူပါ၊၊  လိုရာဆု တောင်းပါသည် ရွေစောင်းတော်သခင်၊ ရေငံတစ်ရိုး၊ ပိုင်စံစိုးပါတဲ့ နတ်မျိုးအရှင် အမြန်မတော်မူပါ၊ ကျွန်းညိုသခင် နတ်ဦးရှင်ခင်ဗျား၊၊ 

ပြန်ပို့ ရန်

          နဒီစံပိုင်၊ ရေငံပိုင်ဟု၊ ခရိုင်အာဏ၀ါ၊ ပြိုင်စံမလာ နိုင်သော၊ နိုင်ငံမြို့ ရွာအသိ၊ ကွန်းခိုခရီး၊ ကျွန်းညိုကြီး ဟု၊ ကမ္မည်းအမည်ကြီးဘိသခင်၊ တေဇောဘုန်းကွန့် မြို့ ပြရွာလုံး ရွံ့ရသည့် ကျွန်းညိုသခင် ခင်ဗျား၊၊ ကျွန်းအရှင် ဆွမ်းတင်၍ပြီးပါပေါ့။ ကျွန်းညိုကြီး ဒီပံဆွေသို့ ၊ စီဝရံဝေေ၀ ရွေသင်္ကန်းရယ်နှင့်၊ နေအ၀င် ရွေကညင်သာသည့်လမ်းကို၊ နတ်နန်းပျော်စောင်းတော်ပိုက်ပြီး၊ အပေါင်းအဖော်တပည့်များနှင့်၊ ကျောင်းတော်က ကြွတော်မူပါ့၊ ဒေ၀ါသခင်၊ နတ်ဦးရှင် ခင်ဗျား။၊၊

(၀ံသာနုဦးပျိုင် ၏ လောကီမှတ်ပုံ နည်းမျိုးစုံ စာအုပ်မှ ရေငံပိုင် ဦးရှင်ကြီး ဆွမ်းတင်မြောက်ပသနည်း ဖြစ်ပါသည်။)

စေတီတစ်ဆူ၏ အခေါ်အဝေါ်

စေတီတစ်ဆူ၏ အခေါ်အဝေါ်များ

ဘီလူး

ပါဠိဘာသာ ဘိရု မှ မြန်မာ လို ဘီလူး ဖြစ်လာတယ်။ ဒါကို ပေါရာဏ ကထာ မှာ အသေးစိတ်ရှင်းထားသည် ။
ဘီလူးမှာ တခြားနာမည်တွေ ပါဠိမှာရော ၊ မြန်မာမှာရော ရှိပါသေးသည်။
ယက္ခ ၊ ရုက္ခသ ၊ ရက္ခိုသ် ၊ ဒါန၀၊ ပေတ၊ ပိသာစ ၊ အမနုဿ ၊ ဥပါ စသည် အမျိုးမျိုး ခေါ်ကြသည်။

ဘီလူး (၂)မျိုး ရှိပါသည်။

(၁) ကုန်းမှာနေတဲ့ ဘီလူး။
(၂) ရေမှာနေတဲ့ ဘီလူး။
ကုန်းဘီလူးသည် တော၊တောင်၊သစ်ပင်၊အဆောက်အုံ ၊ မြေကွင်းပြင် တွေမှာ နေကြ၏။
ရေဘီလူးသည် သမုဒ္ဒရာ ၊ မြစ် ၊ ချောင်း၊ အင်း ၊အိုင် ၊ရေကန်တွေမှာ နေကြ၏။

အချို့ ဘီလူးတွေက နတ်မင်းဆီက ၊ ဘုရင်ဆီက နေရာ ဒေသ ပိုင်းခြားပြီး ၄င်း ၊ သတ္တ၀ါရဲ့  အပြုအမူ အရ ၄င်း သတ်ပြီး စာဖို့ အပိုင်စားရကြသည်။ အချို့ကတော့ မရပါ။

အချို့ကတော့ ထူးထူးခြားခြား နတ်မှာ ဖြစ်တဲ့ အစာ(သို့) လူတွေ ပူဇော်ပသတာတွေ စားခွင့်ရကြ၏။
အချို့ လက်နက်ကိုင် ၊ အချို့မကိုင် ။ အချို့တန်ခိုးကြီး၊ အချို့  မကြီး ။

ဘုံနဲ့ ခွဲရင်တော့ (၂)မျိုးရှိတယ် ဆိုပါသည်။
(၁) နတ်ပြည်မှာ ဖြစ်သောဘီလူးများ
(၂) လူ့ပြည်မှာ ဖြစ်သော ဘီလူးများ
နတ်ပြည်မှာ ဖြစ်သောဘီလူးတွေက ၀ိရူဠက နတ်မင်းကြီးရဲ့  အခြံအရံ အလုပ်အကျွေးတွေ ဖြစ်ကြတဲ့ကုမ္ဘဏ်တွေ၊ ကုဝေရ နတ်မင်းကြီးရဲ့  အခြံအရံ အလုပ်အကျွေးတွေ ဖြစ်ကြတဲ့ ဣန္ဒာသောမ စသော ဘီလူးစစ်သည်များ ၊ တလောလော ၊ တတ္ထ လောလော စသော အစောင့်အရှောက် ကိုယ်ရံတော်ဘီလူးများနဲ့ သာမာန်ဘီလူးများဖြစ်ကြသည်။

လူ့ပြည်မှာ ဖြစ်သော ဘီလူးများမှာတော့ ရက္ခိုသ် ၊ တစ္ဆေ ၊ ပြိတ္တာ ၊ ဖုတ် ၊ ဒါနော စတာတွေဖြစ်ပါသည်။

ရာဇ၀င်ကျမ်းများ ဗုဒ္ခကျမ်းများမှာ ထင်ရှားတဲ့ ဘီလူးတွေ ရှိတာ ကြားဖူးပါလိမ့်မည်။

ဘုရားရှင်လက်ထက်မှာ အာဠာဝက ဘီလူး။ အာဠ၀ီပြည် နားရှိ တောထဲတွင် ညောင်ပင် တစ်ပင်ကို အပိုင်စားရပြီး နေသည်။ ထိုညောင်ပင်အောင်ရောက်လာသူကို စားခွင့် စတုမဟာရာဇ်နတ်မင်းတွေက ပေးထား၏။
တစ်နေ့တော့ ဗုဒ္ဓရောက်လာပြီး သူ နောက်ဆုံးမှာ သောတာပန် တည်သည်။

ပဉ္စ၀ုဓ ဇာတ် ငယ်ငယ်က သင်ဖူးကြတယ်။ ကပ်စေးနှဲ ဘီလူး ခေါ်မယ်ထင်တယ် သူ့ကို ထိတာနဲ့ ကပ်သွားတယ်။ဒါကို မင်းသားက ဇွဲနဲ့ မကြောက်ဘဲ ခံချတယ်။

မဟာသီလ၀ဇာတ် ကျတော့ သုသာန်မှာ လူသေကောင်ကို လုနေကြတဲ့ ဘီလူးနှစ်ကောင်ကို မဟာသီလ၀ မင်းကြီးက မျှတစွာ ခွဲဝေပေးတဲ့ အကြောင်း ။

ကာက၀လိယ ဇာတ် က ဒီဃတာလ ဘီလူးကျတော့ ရာဇဂြိုလ်ပြည် မြို့တံခါးမှာ စောင့် နေပြီးတော့ နေ၀င်ကနေ အာရုံတက် အထိ နောက်ကျပြီး ရောက်လာသူ ၊ ၀င်သူတွေကို စားခွင့် ဘုရင်ထံမှ ရထားတယ်။

နောက်ထင်ရှားတာ ခုဒ္ဒကနိကာယ်၊ ခုဒ္ဒကပါဌပါဠိတော် နှင့် သုတ္တ နိပါတ်ပါဠိတော် မှ

ရတနသုတ် ။ ဝေသာလီပြည်မှယ အငတ်ဘေး ၊ ဘီလူးဘေး၊ အနာရောဂါဘေးတွေ ကျရောက် ပြီး လူတွေ သေကြလို့ ဘုရားရှင်နဲ့ ရဟန်း ၅၀၀ ကြွရောက်ပြီး အရှင်အာနန္ဒာကို ရတနာ့သုတ်ရွတ်စေ ပြီး ကယ်တင်ခဲ့တယ်။

လူနဲ့ ဘီလူးစပ်ပြီး ကပြားမွေးတာတွေလဲ ရှိသေးတယ်။

ပဒကုသလ မာဏ၀ ဇာတ် မှာ ဘီလူးမက လှိဏ်ဂူမှာနေပြီး သူအပိုင်စားရတဲ့ တောထဲရောက်လာသူတွေကို ဖမ်းစားတယ်။ တစ်နေ့တော့ ချောမောတဲ့ ပုဏ္ဏား ကိုဖမ်းမိပြီး မစားဘဲ ပေါင်းသင်းနေလိုက်တယ် ။ ကောင်းစွာရှာဖွေကျွေးမွေးတယ်။ နောက်တော့ သားလေးမွေးလာတယ်။ သားအဖနှစ်ယောက်ထွက်ပြေးကြတော့ ဘီလူးမကြီး ရင်ကွဲနာကျသေရရှာတယ်။ လူ့ပြည်မှာ သားအစဉ်ပြေဖို့ ဂါထာတစ်ခု သင်ပေးလိုက်တယ် ။

မဟာရာဇ၀င်ကြီး ၊ ပထမတွဲ မှာ ယာခင်းစောင့်နေတဲ့ အခိုင်းအစေ အမျိုးသမီးလေးနဲ့ ဘုမ္မစိုး ဘီလူး ပေါင်းသင်းပြီးတော့ သားတစ်ယောက်မွေးလာတယ်။ ပုဂံမင်း (၂၆)ဆက်မြောက် မြင်းကျွေးမင်း ဖြစ်တယ် လို့ ဆိုပါတယ် ။

နောက်ပုဂံဇာတ်လမ်းပါပဲ ။ အများသိပြီးသား ပန်းတော်ဆက်ဗျတ္တ နဲ့ ပုပ္ပားက ဘီလူး ပေါင်းစပ်ပြီး ရွှေဖျဉ်းကြီး ၊ ရွှေဖျဉ်းငယ် ကုလား-ဘီလူး ကပြားညီနောင်မွေးလာတယ် လို့ ဆိုပါတယ်။

ပါရာဇိကဏ် အဋ္ဌကထာမှာလဲ သုဝဏ္ဏဘုမ္မိ ၊သထုံပြည် မှာ ရေဘီလူးတွေက သီရိမာသောကမင်း ရဲ့ မွေးဖွါးခါစ ကလေးတိုင်းကို လာစားလို့ တတိယသံဂါသန တင်အပြီးရောက်လာတဲ့ သောဏထေရ် နဲ့ ၊ ဥတ္တရထေရ်တို့က မနုသီဟရုပ်တွေ ဖန်ဆင်းပြီး ဘီလူးတွေကို လိုက်ကြတယ် ။ လူတွေကို ကာကွယ်ပေးတယ် ဆိုပါတယ်။ ပြီးမှ ကျန်တဲ့ ဘီလူးတွေကို ဗြဟ္မဇာလသုတ်တော် ဟောပြီး အကျွတ်တရားရစေတယ်။ အဲဒီနေ့က မွေးတဲ့ ကလေးကိုလဲ သောနုတ္တရ မင်းသားလို့ ခေါ်တယ်။


ဘီလူးမှာ ထူးခြားတာက သူလူယောင်ဆောင်ထားရင်တောင် -

(၁) မျက်စိနီခြင်း
(၂) မျက်တောင်မခတ်ခြင်း
(၃) အရိပ်မထွက်ခြင်း
(၄) အကြောက်အရွံ့ မရှိခြင်း
(၅) ရက်စက်ကြမ်းကြုတ်ခြင်း တို့ ရှိနေကြတယ်။

လူကို ဘီလူးဝင်စီးထားရင်လဲ ဒီလို ပဲ ဖြစ်တယ်လို့ ဆိုပါတယ်။

သူ့ရဲ့  လုပ်ငန်းသဘောသဘာဝမှာ အစောင့်အရှောက် အလုပ်ကို များစွာ တာဝန် ပေးခံရတဲ့ အတွက် နတ်မင်းကြီးများရဲ့  အခြံအရံ အလုပ်အကျွေးတွေ ဖြစ်ကြတဲ့ ဘီလူးစစ်သည်များကို ရည်စူးပြီး ဘုရားစေတီ၊သိမ်ကျောင်း၊တန်ဆောင်း ၊ရေကန်တွေမှာ ဘီလူးရုပ်ထုလုပ်ထားတတ်ကြောင်း အစဉ်အလာ တစ်ခုအဖြစ်သိရပါတယ်။

မြန်မာမှာတော့ ဘီလူးကျွန်းရဲ့ သမိုင်းနဲ့ မွန်ခမာ-နီဂရစ်တို စစ်များ အပြီး နယ်မြေ သိမ်းပိုက်ခြင်းများ ၊ ရေဘီလူးများ သောဏထေရ်တို့ ရောက်လာပြီး နောက်ပိုင်း နယ်မြေပြောင်းရွှေ့ကြပုံတွေကို မွန်ရာဇ၀င်ကျမ်းများ ၊ ဓမ္မစေတီမင်း၏ ကျောက်စာများမှာ ဖတ်ကြည့်နိုင်ပါတယ် ။ ဘီလူးကျွန်းဟာ သထုံဒေသကို အုပ်စိုးခဲ့ကြတဲ့ ဘီလူးများ (နီဂရစ်တို ဟူသော မျိုးနွယ်စုများ) စတင်နေထိုင်ခဲ့ကြကြောင်း တိကျသော သမိုင်း အထောက်အထားများအရ သိရှိရပါတယ်။ နောက်ပိုင်း ဘီလူးများ အကျွတ်တရားရပြီး ဗုဒ္ဓဘာသာကို ယုံကြည်သက်ဝင်လာခြင်း ၊ ဗုဒ္ဓဘာသာဆိုင်ရာ သာသနိက အဆောက်အဦးများကို စောင့်ရှောက်ခြင်း များရှိခဲ့တာကြောင့်လဲ ဘုရားစေတီ၊သိမ်ကျောင်း၊တန်ဆောင်း ၊ရေကန်တွေမှာ ဘီလူးရုပ် ထုလုပ်ထား တတ်ကြောင်း မွန်ရာဇ၀င်များမှ သိနိုင်ပါတယ်။

ဘီလူးများကိုယ်တိုင်တည်ခဲ့သော ဘီလင်းမြို့နယ် ၊ ဇုတ်သုတ်ရွာ ၊ ထီးဆောင်းဘုရား ကိုလဲ ဖူးတွေ့နေကြရသောကြောင့် ဖြစ်ပါတယ်။

မူရင်း http://solomonn.0fees.net/wordpress/?p=57#more-57

ပန်းဆယ်မျိုး

ပန်းဆယ်မျိုး(မြန်မာ့ရိုးရာ)

ပန်း´ဟူသော ဝေါဟာရ၏ မူလဘူတ အရင်းအမြစ်မှာ `ပန်´ဖြစ်ကြောင်း စာပေပညာရှင်များက ဖေါ်ထုတ်ထားကြသည်။ `ပန်´၏ အနက်အဓိပ္ပါယ်သည် ဖန်တီးသည်။ ဖန်တီးချက်လက်ရာ၊ ဖန်တီးသူ ဟူ၍ သိရသည်။ အနုပညာလက်ရာတစ်ခု ဖြစ်ပေါ်လာရန် တွေးတောကြံစည်ရခြင်း ကဏ္ဍသည် လုပ်ငန်းပိုင်းဆိုင်ရာ ပန်းအလုပ် ဖြစ်သည် ဟုဆိုပါသည်။ “ပန်း”ဟု ပညတ်ခေါ်ဆိုကြသည်မှာ မွမ်းမံခြယ်လှယ် စီမံရသော သုခုမအနုပညာ ပါသော လုပ်ငန်းဖြစ်ခြင်းကြောင့် သုခုမအနုပညာကို တင်စား၍ ခေါ်ကြောင်း အချို့ပညာရှိများက ယူဆကြသည်။သုတေသီအချို့က “ပန်”ဟု ရှေးကခေါ်ဆိုသောစကားမှာ ပညာလုပ်ငန်း ဟု အဓိပ္ပါယ်ဖြစ်ကြောင်း တိဗက်ဘာသာ၊ တရုတ်ဘာသာ၊ ချင်းဘာသာ စသည်တို့ဖြင့် ကိုးကားတင်ပြကြသည်။ ပန်းဆယ်မျိုးဆိုသည်မှာ မြန်မာ့သုခုမ အနုပညာရပ်များဖြစ်သည့်
(၁)ပန်းပု
(၂)ပန်းပွတ်
(၃) ပန်းတမော့
(၄) ပန်းတဉ်း
(၅) ပန်းယွန်း
(၆) ပန်းပဲ
(၇) ပန်းချီ
(၈) ပန်းတိမ်
(၉) ပန်းတော့
(၁၀) ပန်းရံ

ဘုရားမတင်၊ နတ်မ၀င်၊ လူတွင် ဆယ်ပွင့်ပန်း(သို့)ဘုရားမတင်၊ နတ်မ၀င်၊ လူတွင် ပန်းဆယ်မျိုး ဟုလည်း ခေါ်စမှတ်ပြုသည်။

ရာဇောဝါဒကျမ်းတွင် ပဲ၊ ထိမ်၊ တဉ်း၊ တော့၊ ရန်၊ ပု၊ မော့၊ မှတ်လော့ ပွတ်ချီယွန်း ဟူ၍ ဖွဲ့ဆိုထားသည်။

ပဲ = ပန်းပဲ(သံထည်ထုလုပ်ခြင်း အတတ်ပညာ)

ထိမ် = ပန်းထိမ်(ရွှေငွေ စသည့်လက်ဝတ်တန်ဆာမှစ၍ အသုံးအဆောင်ပစ္စည်းအမျိုးမျိးကို သွန်းထု ခတ်လုပ်သည့်ပညာ)

တဉ်း = ပန်းတဉ်း(ကြေးထည် ပုံစံအမျိုးမျိုး သွန်းလုပ်သည့်ပညာ)

တော့ = ပန်းတော့(အင်္ဂတေ၊ သရွတ်ဖြင့် ရုပ်လုံး ရုပ်ကြွ အမွှမ်းတင်တန်ဆာ ပြုလုပ်သောပညာ)

ရန် = ပန်းရန်(အုတ်၊ အင်္ဂတေတို့ဖြင့် အဆောက်အဦ တည်လုပ်သည့်ပညာ)

ပု = ပန်းပု(သစ်သား၊ ဆင်စွယ်၊ ဖယောင်း စသောဝတ္တုပစ္စည်းများကို ရုပ်လုံးရုပ်ကြွ ထွင်းထုသည့်ပညာ)

မော့ = ပန်းတမော့(ကျောက်သားကို ထုဆစ်သည့်ပညာ)

ပွတ် = ပန်းပွတ်(သစ်သား၊ ဆင်စွယ် ပစ္စည်းများကို လိုရာပုံစံအတိုင်း ချောမွတ်အောင် ပွတ်ခံပြုလုပ်သည့်ပညာ)

ချီ = ပန်းချီ(ဆေးရေး၊ ခဲရေး ရုပ်ပုံ ရေးခြယ်သည့်ပညာ)

ယွန်း = ပန်းယွန်း(သရိုးဖြင့် ပန်းနှင့် ရုပ်ကြွတင်၍ ပြုလုပ်သည့်ပညာ။ ယွန်းထည်ပညာ၊ ပန်းထိုးယွန်း ဟုလည်းခေါ်သည်။)

ပန်းဆယ်မျိုးသည် မြန်မာ့ယဉ်ကျေးမှုအနုပညာတွင် အဓိကအကျုံးဝင်သော ပညာရပ်များဖြစ်သည်။ ပန်းဆယ်မျိုးမှာ အနုပညာ၏ လေးနက်သိမ်မွေ့ပြီး ခက်ခဲနက်နဲသော သဘောကို ဆောင်သည်။

ပေါ်ပေါက်လာခြင်း

ပန်းဆယ်မျိုး ပေါ်ပေါက်လာခဲ့သော အချိန်ကာလကို အချို့ပညာရှိများ ခန့်မှန်းခဲ့ကြသည်မှာ ပုဂံပြည် ကျန်စစ်မင်းကြီး လက်ထက်တွင် ဖြစ်မည်ဟု ဆိုပါသည်။ မြန်မာရာဇ၀င်နှင့် ကျောက်စာဟောင်းများအရ ဆိုပါမူ အနော်ရထာမင်းစောသာလျှင် မြန်မာရာဇ၀င်တွင် ဘုန်းအကြီးဆုံးဘုရင်ဖြစ်၍ အနော်ရထာမင်းလက်ထက်ကပင် ပညာသည်များ စုံလင်စွာ ရှိခဲ့သည်ဟုဆိုပါသည်။

တနည်းအားဖြင့် ဆင်ခြင်သုံးသပ်ကြည့်လျှင် အနော်ရထာမင်းလက်ထက်တွင် ဗုဒ္ဓဘာသာနှင့် သက်ဆိုင်သော စေတီပုထိုးများကိုသာ အများအပြားတည်ဆောက်ခဲ့သည်။ ကျန်စစ်သားလက်ထက် ရောက်လာသောအခါ၌လည်း ဂူ၊ ကျောင်း၊ တန်ဆောင်း၊ ပြာသာဒ် အဆောက်အဦများကို ဆက်လက်ဆောက်လုပ်၍ အနုပညာလုပ်ငန်းများကို အားပေးချီးမြှောက်လာခဲ့ကြောင်း တွေ့ရသည်။ သထုံပြည်မှ မနူဟာမင်းနှင့် အတူပါခဲ့သော မွန်အနုပညာသည်များ၊ အိန္ဒိယမှ လာသောအနုပညာရှင်များနှင့် ရှေးဟောင်း ပျူအဆက်အနွယ် အနုပညာရှင်တို့ စုံစုံလင်လင် ထပ်ဆင့် စုပေါင်း တီထွင်ခဲ့ကြရာ ပန်းဆယ်မျိုးဟု ခေါ်သော အနုပညာလုပ်ငန်းများသည် ထိုခေတ်ထိုအချိန်တွင် အပြိုင်အဆိုင် တိုးတက်ပေါက်ပွားလာခဲ့သည်ဟု ယူဆရပါသည်။

ထို့ကြောင့် မြန်မာ့သုခုမ အနုပညာလုပ်ငန်းရပ်များသည် ပုဂံခေတ်မှ စတင်တိုးတက်လာသည်ဟု အကြမ်းအားဖြင့် မှန်းဆသင့်ပါသော်လည်း မြန်မာလူမျိုးဟု ထင်ထင်ရှားရှားပေါ်ပေါက်မလာမီ ပျူခေတ်ကပင် ပိသုကာ အတတ်၊ ပန်းပု၊ ပန်းပဲ၊ ပန်းတော့၊ ပန်းတမော့ စသော အတတ်ပညာများ ထွန်းကားခဲ့ကြောင်းကို သရေခေတ္တရာမြို့ဟောင်းမှ တူးဖေါ်ရရှိခဲ့သော ပျူအရိုးအိုးများ၊ ကျောက်ချပ်ရုပ်ပွားတော်ကြီးများ၊ ကျောက်အုတ်တို့ဖြင့် တည်ဆောက်ခဲ့သော ဘောဘောကြီးဘုရား၊ လေးမျက်နှာဘုရား၊ ဘုရားမာ စသော ပုထိုးကြီးများနှင့် ရွှေငွေတို့ဖြင့် ထုလုပ်ခဲ့သော ရုပ်ထုရုပ်ပွားတော်များ စသည့် အနုပညာရပ်များကို တွေ့ရှိရခြင်းဖြင့် ပျူခေတ်ကာလ အချိန်ကပင် ထိုအနုပညာရပ်များရှိပြီး ဖြစ်ကြောင်းသိရသည်။ သို့သော် ပုဂံခေတ်သို့ ရောက်ချိန်တွင် ပိုမိုတိုးတက် ကြီးပွားလာသည်ဟု ယူဆသင့်ပါသည်။

ပုဂံခေတ်တွင် မွန်လူမျိုးများနှင့် အိန္ဒိယတိုင်းသားများ ပူးပေါင်းမိကြသောကြောင့် မွန်နှင့် အိန္ဒိယယဉ်ကျေးမှုများ ရောပြွမ်း စုံလင်လာသည်ဟု မှတ်ဖွယ်ရှိပါသည်။ အင်းဝခေတ်တွင် အထူးတိုးတက်ခဲ့ကြောင်း လက်ဝဲသုန္ဒရ ဦးမြတ်စံ၏ “သာဓိနပျို့”တွင် တွေ့ရှိရပါသည်။

စကားကြီး ဆယ်ခွန်း

စကားကြီးဆယ်ခွန်း ..

စကားကြီး ၁၀-မျိုး

စကားပြောဆိုရာ၌ ကျွမ်းကျင်လိမ္မာစေရန် စကားပြောနည်း ၁၀-မျိုးကို ခွဲခြားသတ်မှတ်ထားသည်၊ မြန်မာလူမျိုးတို့က စကားကြီး ၁၀-မျိုးဟု ခေါ်ဆိုကြသည်၊ ယင်းစကားကြီး ၁၀-မျိုး၏ အမည်ကို မုန်တိုင်ပင် ဆရာတော်က မှတ်သားရလွယ်ကူစေရန် သုံးပုံတံချူကျမ်း၌ အောက်ပါအတိုင်း လင်္ကာစီထားပါသည်။

၁။ ရေကူး ညာတင်
၂။ ကောက်ပင် ရိတ်လှီး
၃။ ရေစီး ဖောင်ဆန်
၎။ အိုးတန် ဆန်ခပ်
၅။ ဆီပွတ် ကျည်ပွေ့
၆။ ဆင်ဝှေ့ ရန်ရှောင်
၇။ တောင်သူ ယာခုတ်
၈။ ကြက်ဆုတ် ခွပ်ပြစ်
၉။ ရေစစ်သည့်အင်
၁၀။ ခက်တင် မောင်းနင်း အခြင်းဆယ်ပါး ဤစကားကို မှတ်သားဝမ်းတွင်း လေ့စေမင်း။

၁။ ရေကူးညာတင် ပြောနည်း
မြစ်တဘက်မှ လိုရာဆိပ်ကမ်းသို့ ကူးလိုလျှင် မြစ်ညာက တင်၍ကူးမှ လိုရာသို့ ရောက်သကဲ့သို့
မိမိအလိုရှိရာသို့ရောက်အောင် အထက်က တင်ကူး၍ ပြောခြင်းသည် ( ရေကူးညာတင် ပြောနည်း ) မည်၏။
အူထုံးရောဂါသည်ကို ကုရာ၌ ဇီဝက-ပြောသောစကားကို သာဓကထုတ်အပ်၏။


၂။ ကောက်ပင်ရိတ်လှီး ပြောနည်း
စပါးရိတ်လျှင် ကောက်ပင်ကို လက်တဆုပ်ဖြင့် ဆုပ်သိမ်းကာ တံဇဉ်ဖြင့်အရင်းမှ ဖြတ်၍ ရိတ်ယူသကဲ့သို့ တဘက်လူ၏ စကားကို သိမ်းကျုံးဖမ်းယူပြီးမှ အရင်းကဖြတ်၍ ပိုင်လောက်အောင် ပြောဆိုခြင်းသည် (ကောက်ပင်ရိတ်လှီး ပြောနည်း ) မည်၏။
သူဌေးသား ၂-ယောက်နှင့် ဗျိုင်းပုံဝတ္ထုကို သာဓက ထုတ်အပ်၏။


၃။ ရေစီးဖောင်ဆန် ပြောနည်း
ဖောင်ကြီးသည် အညာသို့ ဆန်သောကာလ လိုရာဆန္ဒရှိသမျှကို တင်ယူ၍ ဖြည်းညင်းသာယာစွာ ဆန်လျှင် လိုရာအရပ်သို့ ရောက်နိုင်သကဲ့သို့
စကားအရာတွင်လည်း ဥပမာ-ဥပမေယျတို့ဖြင့် ဖြည်းညင်းသာယာစွာ လိုရာရောက်အောင် ပြောဆိုခြင်းသည် (ရေစီးဖောင်ဆန် ပြောနည်း ) မည်၏။
ဟံသာဝတီဘုရင် ရာဇာဓိရာဇ်က ( အဆွေတော် ) ဟု ရေးသားသည်ကို ဒွါရ၀တီမင်းက မကျေနပ်၍ ဟံသာဝတီ သားတို့က ပြေလည်အောင် ဖြေရှင်းပုံကို သာဓက ထုတ်အပ်၏။


၎။ အိုးတန် ဆန်ခတ် ပြောနည်း
အိုးနှင့်ဆန်သည် တန်အောင်ချက်လျှင် နူးနပ်စွာ သုံးဆောင်ရသကဲ့သို့
စကားအရာတွင်လည်း မယုတ်မလွန်နှင့် လိုရင်းရောက်အောင် ပြောဆိုခြင်းသည် ( အိုးတန် ဆန်ခတ် ပြောနည်း) မည်၏။
သားရွှေအိုးထမ်းလာသည်ကို မြင်လိုပါသည်-ဟု ပြောဆိုသော သုဝဏ္ဏသာမ၏ မိဘ ၂-ပါး ပြောဆိုပုံကို သာဓက ထုတ်အပ်၏။


၅။ ဆီပွတ် ကျည်ပွေ့ ပြောနည်း
ဆီကို ရအောင် ပွတ်သည့်အခါတွင် အထပ်ထပ်အခါခါ ပွတ်ရသကဲ့သို့
အလိုရှိသောစကားကို အထပ်ထပ် ပြောဆိုခြင်းသည် ( ဆီပွတ်ကျည်ပွေ့ ပြောနည်း ) မည်၏။
ဘုရားပိန္နဲတိုင်ကိစ္စ ဆွေးနွေးရာ၌ မကျည်းနှစ်လဲ ကောင်း၊ ကျွန်းလဲ ကောင်း။
ရှားနှစ်လဲ ကောင်း၊ ကျွန်းလဲ ကောင်း-ဟု ပြောဆိုပုံကို သာဓက ထုတ်အပ်၏။


၆။ ဆင်ဝှေ့ ရန်ရှောင် ပြောနည်း
ဆင်ဝှေ့မည်ဟု လိုက်လျှင် လွတ်ရာလွတ်ကြောင်း တိမ်းရှောင်က ချမ်းသာသကဲ့သို့
စကားအရာတွင်လည်း မိမိအဖို့ ဘေးရောက်မည့် စကားကို ရှောင်လွှဲ၍ ပြောဆိုခြင်းသည် ( ဆင်ဝှေ့ရန်ရှေင် ပြောနည်း ) မည်၏။
ရက်မအောက် မြေကြီးအထိ ရွှေချထားသော အိမ်ရှေ့မင်း၏ ကျောင်းမှ ရွှေများကို မြို့ဝန်က အဖျက်ခိုင်းရာ အိမ်ရှေ့မင်း စိတ်ဆိုးသည်ကို ပြေလည်အောင် လျှောက်ထားသော မြို့ဝန်၏စကားကို သာဓက ထုတ်အပ်၏။


၇။ တောင်သူ ယာခုတ် ပြောနည်း
တောင်သူတို့သည် ယာခုတ်လျှင် ခြုံငယ် သစ်ပင်ငယ်တို့ကို ဦးစွာ ရှင်းလင်းခုတ်ထွင်ပြီးမှ သစ်ပင်ကြီးငယ်များကို လှဲသကဲ့သို့
စကားအရာတွင်လည်း ဦးစွာ စကားငယ်ကိုပြော၍ နောက်မှ စကားကြီးများကို ပြောခြင်းဖြင့် အနိုင်ယူခြင်းသည် (တောင်သူ ယာခုတ် ပြောနည်း ) မည်၏။
အမတ်ကြီးလေးဦးနှင့် မဟောသဓာသုခမိန်တို့ ဥစ္စာနှင့်ပညာ ဘယ်ဟာက-မြတ်သည် ဟူသော အငြင်းပွားပုံကို သာဓက ထုတ်အပ်၏။


၈။ ကြက်ဆုတ် ခွပ်ပစ် ပြောနည်း
ကြက်တို့၏သဘောသည် ခွပ်မည်ပြုသောအခါ နောက်သို့ဆုတ်ဟန်ပြု၍ တကယ်ခွပ်သောအခါမှသာ စီး၍ခွပ်သကဲ့သို့
စကားအရာတွင်လည်း သူ့အလိုကို လိုက်တန်သ၍ လိုက်ပြီးလျှင် စီးသာသောအခါမှ စီးလျက် ပြောသောစကားမျိုးသည် ( ကြက်ဆုတ် ခွပ်ပစ် ပြောနည်း ) မည်၏။
က၀ိသေတ္တု မဉ္ဇူသာကျမ်း၌ ဖော်ပြပါရှိသော တရုတ်ငရွှေကြည်၏ မီးလောင်ကိစ္စအတွက် တရုတ်သံများနှင့် အမတ်ကြီးဦးပေါ်ဦးတို့ အပြန်အလှန် ပြောဆိုပုံကို သာဓက ထုတ်အပ်၏။


၉။ ရေစစ်ပမာ စကားပြောနည်း
ဓမ္မကရိုဏ်းခေါ်သော ရေစစ်ကို ရေတွင်နှစ်၍ ရေပြည့်လျှင် အပေါက်ကို လက်ဖြင့် ပိတ်ယူပါက ရေမထွက်နိုင်သကဲ့သို့
တဘက်လူ၏ စကားကို ပိတ်မိအောင် ပြောဆိုခြင်းသည် ( ရေစစ်ပမာ စကားပြောနည်း ) မည်၏။
သူငယ်လေးယောက်နှင့် သူအိုကြီးတို့ ယုံတမ်းစကား ပြောကြားပုံကို သာဓက ထုတ်အပ်၏။


၁၀။ ခက်တင် မောင်းနင်း ပြောနည်း
သူ့စကားကို ဟုတ်၏လည်း မဆို၊ မဟုတ်ဟုလည်း မဆိုဘဲ မတင်တကျ ပြောဆိုခြင်းသည် ( ခက်တင် မောင်းနင်း ပြောနည်း ) မည်၏။
ဤသူ ငါ့တူ-မဟုတ်ဟု မည်သူပြောသနည်း-ဟု တောင်ဖီလာဆရာတော် ပြောကြားပုံကို သာဓက ထုတ်အပ်၏။

မှတ်ချက်။ စကားကြီး ၁၀-မျိုးအကြောင်း ပြဆိုသော ပုံသက်သေ သာဓက၀တ္ထုများကို မြန်မာ့စွယ်စုံကျမ်း အတွဲ (၃)တွင် အကျယ်တ၀င့် ဖော်ပြပါရှိသည်။ ထိုကျမ်း၌ လေ့လာကြည့်ရှုကြပါကုန်။

( အောင်ပွဲရ ကဗျာ )
၁။ ရေကူးညာတင်၊ ပြောရိုးတွင်၊ ဉာဏ်ယှဉ်ပါက အောင်ပွဲရ။
၂။ ကောက်ပင်ရိတ်လှီး၊ ပြောဆိုနည်း၊ ဉာဏ်မှီးပါက အောင်ပွဲရ။
၃။ ရေစီးဖောင်ဆန်၊ ပြောဆိုဟန်၊ ဝေဖန်နိုင်းဆ အောင်ပွဲရ။
၎။ အိုးတန်ဆန်ခတ်၊ ပမာဟပ်၊ ပြောတတ်ပါက အောင်ပွဲရ။
၅။ ဆီပွတ်ကျည်ပွေ့၊ ပြောဆိုလေ့၊ လက်တွေ့မှန်လှ အောင်ပွဲရ။
၆။ ဆင်ဝှေ့ရန်ရှောင်၊ ပမာဆောင်၊ လူ့ဘောင်လောက အောင်ပွဲရ။
၇။ တောင်သူယာခုတ်၊ ညွှန်းဖော်ထုတ်၊ မယုတ်မှန်လှ အောင်ပွဲရ။
၈။ ကြက်ဆုတ်ခွပ်ပစ်၊ ထုံးစနစ်၊ စင်စစ်မှန်လှ အောင်ပွဲရ။
၉။ ရေစစ်သောလား၊ ပမာထား၊ စကားဆိုက အောင်ပွဲရ။
၁၀။ ခက်တင်မောင်းနင်း၊ ပြောဆိုခြင်း၊ မယွင်းမှန်လှ အောင်ပွဲရ။




http://mawluu.blogspot.com/2008/12/blog-post_22.html မှကူးယူဖော်ပြသည်...